අයවිය යුතු මුදල් ලැබී නෑ, ඛණිජ තෙල් සංස්ථාවෙන් විදුලි බල මණ්ඩලයට ඉන්ධන සැපයීම අත්හිටුවීම නිසා විදුලි කප්පාදුවක්..
විදුලිබල මණ්ඩලයට ඉන්ධන සැපයීමේදී අයවිය යුතු මුදල් මෙතෙක් නොලැබීම නිසා ඛණිජ තෙල් සංස්ථාව විසින් මණ්ඩලයට ඉන්ධන සැපයීම අත්හිටුවීම නිසා ඇතැම් ප‍්‍රදේශවල විදුලි කප්පාදුවක් සිදු වියහැකි බව වාර්තා වේ. රුපියල් බිලියන 80ක ණය සීමාවකට යටත්ව ඛණිජ තෙල් සංස්ථාව විසින් විදුලි බල මණ්ඩලයට ඉන්ධන සපයන අතර අදාළ ණය සීමාව ද ඉක්මවීම නිසා අදාළ ඉන්ධන සැපයීම අත්හිටුවා තිබේ. කෙසේ වෙතත් උද්ගතව ඇති තත්ත්වය හමුවේ විදුලි බල මණ්ඩලයට ඉන්ධන සැපයීම සදහා කැබිනට් අනුමැතිය හෝ අධ්‍යක්‍ෂ මණ්ඩලයේ විශේෂ අවසරයක් අවශ්‍ය බව ඛණිජ තෙල් සංස්ථා ආරංචි මාර්ග අනාවරණය කර සිටියි.
