මුස්ලිම් පාර්ලිමේන්තු මන්ත්‍රීවරුන් පිරිසක් සහ ජනපති අතර හමුවක්..
එල්ල කර ඇති චෝදනා ඔප්පු කරගැනීමට නොහැකිව සිටින, පාස්කු ඉරිදා ප්‍රහාරයත් සමග අත්අඩංගුවට ගන්නා ලද මුස්ලිම් තරුණයන් සම්බන්ධයෙන් නීති මාර්ගයෙන් සොයාබලා කටයුතු කරන බවට ජනාධිපතිවරයා පොරොන්දුවූ බව පාර්ලිමේන්තු මන්ත්‍රී අමීර් අලි මහතා පවසා සිටියි. ඊයේ (08) රාත්‍රියේ මුස්ලිම් පාර්ලිමේන්තු මන්ත්‍රීවරුන් පිරිසක් ජනාධිපති මෛතී‍්‍රපාල සිරිසේන මහතා හමුවූ අවස්ථාවේ එතුමා විසින් මෙම පොරොන්දුව ලබාදුන් බවත් මෙරට මුස්ලිම් ජනතාව මේ වන විට මුහුණදී ඇති විවිධ ගැටළුකාරී තත්ත්වයන් සම්බන්ධයෙන් ද ජනාධිපතිවරයා දැනුවත් කිරීමට කටයුතුකළ බවත් අමීර් අලී මහතා වැඩිදුරටත් පවසා සිටින ලදී. කෙසේ වෙතත් අමාත්‍යධුර භාරගැනීම සම්බන්ධයෙන් මෙහිදී කරුණු සාකච්ඡා නොකළ බව ද වාර්තා වේ.
