රජයේ මුදල් සාවද්‍ය ලෙස පරිහරණය කිරීම, හිටපු ජනාධිපති කාර්ය මණ්ඩල ප්‍රධානියාට එරෙහි නඩුවේ තීන්දුව අගෝස්තු 08 ප්‍රකාශයට..
රජයේ මුදල් සාවද්‍ය ලෙස පරිහරණය කළ බවට චෝදනා එල්ලවී ඇති හිටපු ජනාධිපති කාර්ය මණ්ඩල ප්‍රධානී ගාමිණී සෙනරත් මහතා ඇතුළු පිරිසට එරෙහි ගොනු කර තිබෙන නඩුවේ තීන්දුව ලබන අගෝස්තු මස 8 වනදා ප්‍රකාශයට පත්කිරීමට අධිකරණය නියෝග කර ඇත. ලිට්‍රෝ ගෑස් සමාගමට අයත් රුපියල් මිලියන 500 ක මුදලක් සාවද්‍ය ලෙස පරිහරණය කළ බවට චෝදනා කරමින් නීතිපතිවරයා විසින් ගොනු කර ඇති අදාළ නඩුව විභාගයට ගත් කොළඹ ත්‍රිපුද්ගල විශේෂ මහාධිකරණය විසින් මෙම නියෝගය ලබාදී තිබේ.
