ප්‍රදේශ රැසකට වැසි..
අද (10) දිනය තුළ දිවයිනේ ප්‍රදේශ රැසකට වැසි ඇතිවිය හැකි බව කාලගුණ විද්‍යා දෙපාර්තමේන්තුව අනාවරණය කර සිටියි. ඒ අනුව සබරගමුව, මධ්‍යම, බස්නාහිර සහ වයඹ පළාත්වල මෙන්ම මන්නාරම, ගාල්ල සහ මාතර දිස්ත්‍රික්කවල ස්ථාන රැසක වැසි ඇති වනු ඇති බව එම ආරංචි මාර්ග වැඩිදුරටත් පවසා සිටියි. මෙම ප්‍රදේශවලට වැසි සමග තාවකාලිකව තද සුළං තත්ත්වයන් ද ඇති විය හැකි අතර අකුණු සම්බන්ධයෙන් අවධානයෙන් සිට අනතුරු අවම කරගැනීමට කටයුතු කරන ලෙස ජනතාවගෙන් ඉල්ලා සිටින බව ද කාලගුණ විද්‍යා දෙපාර්තමේන්තුව වැඩිදුරටත් පවසා සිටියි.
