සිල් රෙදි නඩුව, විත්තිකරුවන්ගේ අභියාචනය විභාගයට ගැනීමට දින නියම වෙයි..
මේ වන විට ඇප මත මුදාහැර සිටින හිටපු ජනාධිපති ලේකම් ලලිත් වීරතුංග සහ විදුලි සංදේශ නියාමන කොමිසමේ හිටපු අධ්යක්ෂ ජනරාල් අනූෂ පැල්පිට යන මහත්වරුන් විසින් අදාළ චෝදනා වලින් තමන් නිදොස්කොට නිදහස් කරන මෙන් ඉල්ලා ගොනු කර තිබෙන අභියාචනා ලබන ඔක්තෝබර් 11 වන දා විභාගයට ගන්වා ලෙස අභියාචනාධිකරණය අද (10) නියම කරන ලදී. පසුගිය ජනාධිපතිවරණයේදී විහාරස්ථානවලට සිල් රෙදි බෙදාදීමෙන් රජයේ මුදල් මිලියන 600 ක් සාවද්ය ලෙස පරිහරණය කළ බවට චෝදනා කරමින් නීතිපතිවරයා විසින් කොළඹ මහාධිකරණය හමුවේ නඩුවක් පවරන ලදී.
ඒ අනුව එම නඩුව විභාගයට ගත් කොළඹ මහාධිකරණය විසින් හිටපු ජනාධිපති ලේකම් ලලිත් වීරතුංග සහ විදුලි සංදේශ නියාමන කොමිසමේ හිටපු අධ්යක්ෂ ජනරාල් අනූෂ පැල්පිට යන මහත්වරුන්ට වසර තුන බැගින් සිර දඬුවම් නියම කරන ලදී. අදාළ දඬුවම නීති විරෝධී බැවින් එම චෝදනාවලින් සහ දඬුවම්වලින් තමන්ව නිදොස් කොට නිදහස් කිරීමේ නියෝගයක් නිකුත් කරන්නැයි ඉල්ලා විත්තිකරුවන් දෙදෙනා විසින් අභියාචනය මෙසේ ලබන 11 වනදා විභාගයට ගනු ඇත.