වෛද්‍ය මොහොමඩ් ෂාෆිට එරෙහි නඩුව අද යළි කැදවයි..
කුරුණෑගල රෝහලේ ප්‍රසව හා නාරිවේද වෛද්‍ය මොහොමඩ් ෂාෆි යන අයට එරෙහිව ගොනු කර ඇති නඩුව කුරුණෑගල මහේස්ත්‍රාත් අධිකරණයේදී අද (11) යළි කැදවීමට නියමිතව ඇත. වෛද්‍ය මොහොමඩ් ෂාෆි යන අයට එරෙහිව අයථා වත්කම් ඉපයීම, වඳ සැත්කම් කිරීම සහ ත්‍රස්ත ක්‍රියාකාරකම් සදහා උපකාර කිරීම යන චෝදනා එල්ලකරමින් මෙම නඩුව ගොනු කර තිබේ. සමස්ත ලංකා බෞද්ධ මහා සම්මේලනය, යුක්තිය උදෙසා මව්වරුන්ගේ සංගමය, සුරකිමු ශ්‍රී ලංකා සංවිධානය ඇතුළු සංවිධාන කිහිපයක් විසින් වෛද්‍ය මොහොමඩ් ෂාෆි යන අයට එරෙහිව ශ්‍රී ලංකා වෛද්‍ය සභාවට පැමිණිල්ලක් ද ඉදිරිපත් කර තිබේ.
