ප්‍රදේශ රැසකට අද වැසි..
දිවයිනේ බොහෝ ප්‍රදේශවලට අද (11) දිනය තුළ වැසි ඇතිවනු ඇති බව කාලගුණ විද්‍යා දෙපාර්තමේන්තුව අනාවරණය කර සිටියි. ඒ අනුව ඌව සහ නැගෙනහිර පළාත්වල සහ පොළොන්නරුව දිස්ත්‍රික්කයේ ස්ථාන රැසක පස්වරුවේ සහ රාත්‍රී කාලයේදී වැසි ඇතිවනු ඇත. එමෙන්ම උදෑසන කාලයේ සබරගමුව, මධ්‍යම, බස්නාහිර සහ වයඹ පළාත්වල මෙන්ම මන්නාරම, ගාල්ල සහ මාතර දිස්ත්‍රික්කවල ස්ථාන කිහිපයක වැසි ඇතිවනු ඇත. දිවයිනේ සෙසු පළාත් වලද දහවල් කාලයේ වැසි ඇතිවනු ඇති බව කාලගුණ විද්‍යා දෙපාර්තමේන්තුව තවදුරටත් අනාවරණය කර සිටියි.
