ප්‍රබල ඉන්දීය කණ්ඩායමේ බලාපොරොත්තු සුන්කරමින් නවසීලන්තය අවසන් මහා තරගයට..
2019 ලෝක කුසලාන ක්‍රිකට් තරගාවලියේ අවසන් මහා තරගයට සුදුසුකම් ලබාගැනීමට නවසීලන්ත කණ්ඩායම ඊයේ (10) සමත්විය. ඒ ප්‍රබල ඉන්දිය කණ්ඩායම ලකුණු 18 කින් පරාජය කරමිනි. පෙරේදා (09) තරගය පවත්වන අතර තුර වර්ෂාවෙන් බාධා එල්ලවීම නිසා තරගය අත්හිටවූ ස්ථානයේ සිට ඊයේ (10) යළි ආරම්භ කරන ලදී. ඒ අනුව නවසීලන්තය සිය පන්දුවාර 50 අවසානයේ කඩුළු 8 ක් දැවී ලකුණු 239 ක් ලබාගන්නා ලදී. ඊට පිළිතුරු ලෙස ඉන්දීය කණ්ඩායම ලබාගත්තේ පන්දුවාර 49.2 කදී සියළුදෙනා දැවී ලකුණු 221 ක් පමණි. මේ අනුව නවසීලන්ත කණ්ඩායම ලෝක කුසලාන ක්‍රිකට් තරගාවලියේ අවසන් මහා තරගයට සුදුසුකම් ලබාගත් අතර අද (11) පැවැත්වීමට නියමිතව ඇති ඕස්ට්‍රේලියාව සහ එංගලන්තය තරගයේ ප්‍රතිඵලය අනුව අවසන් මහා තරගයට සුදුසුකම් ලබන අනෙක් කණ්ඩායම තීරණය වනු ඇත.
