ඇසළ පුර පසළොස්වක පොහොය දිනය අදයි..
බුද්ධ චරිතය තුළ එන ඉතා වැදගත් සිදුවීම් රැසක් සිදුවූ පොහෝ දිනයක් ලෙස සැලකෙන ඇසළ පුර පසළොස්වක පොහොය දිනය අදට (16) යෙදී ඇත. තුසිත දෙව්ලොව උපත ලද බෝසතාණන් වහන්සේ මහමායා දේවියගේ කුස පිළිසිදගැනීම සහ සිදුහත් කුමරු සතර පෙර නිමිති දැකීමෙන් පසු ගිහිගෙයි කළකිරී අභිනිෂ්ක්‍රමණය කිරීම ඇසළ පොහෝ දිනක සිදුව ඇති විශේෂ සිදුවීම් වේ. එමෙන්ම බුදුරාජාණන් වහන්සේ සිය මංගල ධර්මදේශනාව වන ධම්සක් පැවතුම් සූත්‍රය දේශනා කරඇත්තේ ද අද වැනි ඇසළ පොහෝ දිනකදීය. බුදධ පරිනිර්වාණයෙන් පසු ප්‍රථම ධර්ම සංගායනාව පැවැත්වීම ද ඇසළ පුර පසළොස්වක පොහොදීනකදීය.
