සූදු පිටියක් වැටලීම සදහා ගිය පොලිස් නිලධාරීන් පිරිසකට පහරදීම, සැකකරුවෙකු අත්අඩංගුවට..
සූදු පිටියක් වැටලීම සදහා ගිය පොලිස් නිලධාරීන් පිරිසකට පහරදීමේ සිද්ධිය සම්බන්ධයෙන් සැකපිට ඊයේ (16) රාත්‍රියේදී එක් පුද්ගලයෙකු අත්අඩංගුවට පත්ව ඇති බව වාර්තා වේ. දොඩංගොඩ, බොම්ඹුවල, තිත්තවැල්ල ප‍්‍රදේශයේදී සූදු පිටියක් වැටලීමට ගිය පොලිස් නිලධාරීන් පිරිසකට එල්ලවූ ප්‍රහාරයෙන් උප පොලිස් පරීක්‍ෂකවරයෙකු සහ පොලිස් කොස්තාපල්වරයෙකු තුවාල ලබා රෝහල් ගත කරන ලදී. අත්අඩංගුවට පත් සැකකරු අද (17) අධිකරණයට ඉදිරිපත් කිරීමට නියමිතව ඇත.
