මෙරට වත්මන් තත්ත්වය අධ්‍යයනය කිරීමට එක්සත් ජාතීන්ගේ සංවිධානයේ විශේෂ නියෝජිතයෙකු අද මෙරටට..
මෙරට වත්මන් තත්ත්වය සම්බන්ධයෙන් අධ්‍යයනය කිරීමේ අරමුණින් එක්සත් ජාතීන්ගේ සංවිධානයේ විශේෂ නියෝජිතයෙකු අද (18) මෙරටට පැමිණීමට නියමිතව ඇති බව වාර්තා වේ. ඒ අනුව එක්සත් ජාතීන්ගේ සංවිධානයේ විශේෂ වාර්තාකරු ක්ලෙමෙන්ට් නයලෙට්සෝසි වුල් මහතා දින 09 ක සංචාරයක් සදහා අද දින මෙරටට පැමිණෙනු ඇත. සිය සංචාරය තුළදී ක්ලෙමෙන්ට් නයලෙට්සෝසි වුල් මහතා මෙරට රජයේ නිලධාරින්, අධිකරණ, ව්‍යවස්ථාදායක, මාධ්‍ය, සිවිල් සමාජ හා වෘත්තිය සමිති සාමාජිකයින් හමුවීමට නියමිතව ඇති අතර ශ්‍රී ලංකා මානව හිමිකම් කොමිසම හමුවීමට නියමිතව ඇති බව වාර්තා වේ. මෙම සංචාරය සම්බන්ධයෙන් විශේෂ වාර්තාවක් සකස්කර 2020 වසරේ ජූනි මස පැවැත්වෙන එක්සත් ජාතීන්ගේ මානව හිමිකම් කවුන්සිලය වෙත භාරදීමට ද නියමිතය ඇත.
