ගිනිගත්හේන නගරයේ වෙළඳසැල් 10 ක් නායයයි, එක් අයෙක් අතුරුදන්..
අද (19) අළුයම් කාලයේ ගිනිගත්හේන නගරයේ වෙළඳසැල් 10 ක් පමණ නායයාමට ලක්ව ඇති බව වාර්තා වේ. අදාළ වෙළදසැල් මහවැලි ගඟ දෙසට නායගොස් ඇති අතර එක් සේවකයෙකු මේ වන විට අතුරුදහන්ව ඇති බවද එම ආරංචි මාර්ග අනාවරණය කර සිටියි. මධ්‍යම කඳුකරයට ඇද හැලෙන ධාරානිපාත වර්ෂාව හේතුවෙන් මෙම නාය යාම සිදුව තිබේ. ගිනිගත්හේන නගරයේ ප්‍රධාන මාර්ගයේ කොටසක ද නායයාමේ අවදානමක් මතුව ඇති නිසා එම පොලිස් ස්ථානය ඉදිරිපිට සිට ගිනිගත්හේන බස් නැවතුම්පොල දක්වා කොටස සම්පුර්ණයෙන්ම වසා දැමීමට ද මේ වන විට පියවර ගෙන ඇත.
