පානදුර උතුර පොලිස් ස්ථානයේ තිබූ ටී 56 ගිනි අවි දෙකක අස්ථානගත වීම, පරීක්ෂණ CID ය යටතට..
පසුගිය 06 වන දා පානදුර උතුර පොලිස් ස්ථානයේ තිබූ ටී 56 වර්ගයේ ගිනි අවි දෙකක් අතුරුදන් වීම සම්බන්ධයෙන් වන විමර්ශන කටයුතු අපරාධ පරීක්ෂණ දෙපාර්තමේන්තුවට භාර දී ඇති බව පොලිස් ආරංචි මාර්ග අනාවරණය කර සිටියි. අදාළ සිද්ධිය සම්බන්ධයෙන් බස්නාහිර පළාත් ජ්‍යෙෂ්ඨ නියෝජ්‍ය පොලිස්පතිවරයාගේ යටතේ මුලික පරීක්ෂණ සිදුකරන ලද අතර එහිදී අනාවරණය වු කරුණු මත පානදුර උතුර පොලිස්ථානයේ ස්ථානාධිපතිවරයාගේ වැඩ තහනම් කරන ලදී.
