තමන්ට තර්ජනය කරමින් වීඩියෝවක් මුදාහළ රිෂාම් මහරුෆ් සමාව ගන්නා බව දුරකථනයෙන් දැනුම් දුන්නා – පූජ්ය ජඹුරේවෙල චන්දරතන හිමි
ජාතිවාදය ඇවිස්සීම නතර කිරීම සදහා මසක කාලයක් ලබාදෙන බව පවසමින් තමන් ඇතුළු පිරිසකට තර්ජනය කරමින් අන්තර්ජාලයට වීඩියෝවක් නිකුත් කරන ලද රිෂාම් මහරුෆ් නම් තැනැත්තා තමන්ගෙන් ප්රසිද්ධියේ සමාව ගැනීමට සූදානම් බව දුරකථනයෙන් අමතා පැවසූ බව පූජ්ය ජඹුරේවෙල චන්දරතන හිමියන් අනාවරණය කර සිටියි.ඊයේ (28) පැවති මාධ්ය හමුවකට සහභාගිවෙමින් පූජ්ය ජඹුරේවෙල චන්දරතන හිමියන් මෙම කරුණු සදහන් කරන ලදී.
අදාළ වීඩියෝව 2017 දී මුදාහැරි බවත් ලංකා තවුහිද් ජමාද් සංවිධානයේ මහලේකම් අබ්දුල් රාසික් යන අය විසින් එය නැවත සංස්කරණය කර අන්තර්ජාලයට මුදාහැර ඇති බවත් රිෂාම් මහරුෆ් විසින් තමන්ට දුරකථනයෙන් පවසා සිටි බවත් පූජ්ය ජඹුරේවෙල චන්දරතන හිමි වැඩිදුරටත් කරුණු අනාවරණය කරන ලදී.