රටවල් 46 කින් මෙරටට පැමිණෙන සංචාරකයින්ට ගාස්තු රහිතව වීසා – අමාත්ය ජෝන් අමරතුංග
රටවල් 46 කින් මෙරටට පැමිණෙන සංචාරකයින් සඳහා ගාස්තු රහිතව වීසා නිකුත් කිරීමට තීරණය කළ බව සංචාරක හා ක්රිස්තියානි කටයුතු අමාත්ය ජෝන් අමරතුංග මහතා අනාවරණය කර සිටියි. අගෝස්තු පළමු වන දින මෙම තීරණය ක්රියාත්මක වන අතර මෙරට සංචාරක කර්මාන්තය සංවර්ධනය කිරීමේ අරමුණින් මෙම තීරණය ගත් බව ද අමාත්යවරයා වැඩිදුරටත් අනාවරණය කර සිටියි. කැබිනට් අනුමැතිය ද ලැබී ඇති මෙම තීරණය මූලික වශයෙන් ඉදිරි මාස 06 ක කාලයක් පුරා දියත් කරනු ලබන අතර ඉන් ලැබෙන ප්රතිඵල අනුව ඉදිරියටත් එය ක්රියාත්මක කිරීමට කටයුතු කරනු ඇත.