කළගෙඩිහේනේදී වෑන් රථයකට සහ රියදුරෙකුට පහරදීම, ගණිත ආචාර්යවරයා ඇතුළු සැකකරුවන් අද අධිකරණය හමුවට..
කළගෙඩිහේන ප්‍රදේශයේ දී වෑන් රථයකට සහ රියදුරුවරයෙකුට පහරදීමේ සිද්ධිය සම්බන්ධයෙන් අත්අඩංගුවටපත් ගණිත ආචාර්යවරයා ඇතුළු සැකකරුවන් 07 දෙනා අද (05) දිනයේදී අත්තනගල්ල මහේස්ත්‍රාත් අධිකරණය හමුවට ඉදිරිපත් කිරීමට නියමිතව ඇත. පසුගියදා කොළඹ, නුවර ප්‍රධාන මාර්ගයේ කළගෙඩිහේන ප්‍රදේශයේදී ප්‍රභූ රථයකින් සහ ප්‍රභූ ආරක්ෂක රථයකින් ගමන් කරමින් සිටි පිරිසක් වෑන් රථ රියදුරුවරයෙකුට සහ එම වෑන් රථයට පහරදීම සම්බන්ධයෙන් චෝදනා කරමින් ඉහත සැකකරුවන් අත්අඩංගුවට ගෙන රක්ෂිත බන්ධනාගාර ගත කරන ලදී.
