හෙට සිට බදුල්ලට විශේෂ දුම්රියක්..
හෙට (06) සිට ක්‍රියාත්මක වන පරිදි කොළඹ කොටුව සිට බදුල්ල බලා විශේෂ දුම්රියක් ධාවනයට එක්කිරීමට තීරණය කර ඇතැයි දුම්රිය දෙපාර්තමේන්තු ආරංචි මාර්ග අනාවරණය කර සිටියි. අගෝස්තු පාසල් නිවාඩුව හේතුවෙන් මෙසේ මෙම විශේෂ දුම්රිය ධාවනයට එක්කරන බව එම ආරංචි මාර්ග වැඩිදුරටත් අනාවරණය කර සිටියි. ඒ අනුව හෙට සිට S-12 වර්ගයේ ද්විත්ව බලවේග කට්ටලයක් කොළඹ කොටුවේ සිට බදුල්ල තෙක් ධාවනය කරනු ඇත. හෙට පෙරවරු 07.05 ට කොළඹ කොටුවෙන් ගමන් ආරම්භ කරන මෙම විශේෂ දුම්රිය පසුදින උදෑසන 07.30 ට බදුල්ලේ සිට කොළඹ කොටුව බලා ධාවනය වේ. මෙම දුම්රිය ඉරට්ටේ දිනවල කොළඔ කොටුවේ සිට බදුල්ලටත්, ඔත්තේ දිනවල බදුල්ලේ සිට කොළඹ කොටුවටත් ධාවනය කෙරේ.
