ඩයගම තේ වතු යායක, වතු නිවාස පේළියක ගින්නක් හටගැනීමෙන් නිවාස 12 ක් විනාශ වෙයි..
ඩයගම තේ වතු යායක, වතු නිවාස කිහිපයක ගින්නක් හටගැනීමෙන් නිවාස 12 ක් විනාශ වී ඇති බව වාර්තා වේ. ඩයගම, “චන්ද්රිගාමම්” තේ වතුයායේ, වතු නිවාස අංක 05 නිවාස පේළියක ඊයේ (05) රාත්රී කාලයේ මෙම ගින්න හටගෙන ඇත. ඩයගම පොලීසිය විසින් ගින්න මැඩපැවැත්වීමට අවශ්ය පියවර ගෙන ඇති අතර ගින්න හේතුවෙන් නිවාස 12 ක් සම්පූර්ණයෙන් විනාශයට පත්ව ඇත. මේ හේතුවෙන් පවුල් 09 ක 49 පිරිසක් අවතැන්වී ඇතැයි ද වාර්තා වන නමුත් ගින්නෙන් කිසිදු ජීවිත හානියක් සිදුව නොමැත. අවතැන්වූ පිරිස චන්ද්රිගාමම් දෙමළ විද්යාලයේ තාවකාලිකව පදිංචිව සිටියි. ගින්නට හේතුව විදුලි කාන්දුවක් බවට සැකකරන බව පොලීසිය පවසන අතර මේ සම්බන්ධයෙන් ඩයගම පොලිසිය වැඩිදුර පරීක්ෂණ පවත්වනු ලබයි.