වෛද්ය ෂාෆිගේ පෙත්සම සලකා බැලීම කල්යයි..
තමන් අත්අඩංගුවට ගෙන රඳවා ගැනීම තහනම් කරමින් නියෝගයක් නිකුත් කරන්නැයි ඉල්ලා කුරුණෑගල රජයේ රෝහලේ ප්රසව හා නාරිවේද වෛද්ය ෂාෆි සිහාබ්දීන් යන අය විසින් ගොනු කර ඇති මූලික අයිතිවාසිකම් පෙත්සම සලකා බැලීම සැප්තැම්බර් මස 27 වනදා තෙක් කල්තැබීමට අධිකරණය නියෝග කර ඇත. අදාළ පෙත්සම සැලකිල්ලට ගත් ශ්රේෂ්ඨාධිකරණය විසින් අද (06) මෙම නියෝගය ලබාදී තිබේ. නීති විරෝධී ලෙස වත්කම් රැස්කිරීම සහ කාන්තාවන්ට වඳ සැත්කම් කළ බවට චෝදනා කරමින් කුරුණෑගල පොලිසිය විසින් ප්රසව හා නාරිවේද වෛද්ය ෂාෆි සිහාබ්දීන් යන අය අත්අඩංගුවට ගන්නා ලදී. අදාළ චෝදනා අසත්ය බැවින් තම මූලික අයිතිවාසිකම් උල්ලංඝණය වී ඇති බවට තීන්දුවක් ලබාදෙන්නැයි වෛද්ය ෂාෆි සිහාබ්දීන් මහතා සිය පෙත්සමෙන් ඉල්ලා ඇත.