බන්ධනාගාර නියාමකවරයෙකුගේ ගිනි අවියක් ස්වයංක්‍රීයව ක්‍රියාත්මක වෙලා, හානියක් නෑ..
බන්ධනාගාර බසයකින් රැදවියන් පිරිසක් රැගෙන එමින් සිටියදී බන්ධනාගාර නියාමකවරයෙකුගේ ගිනි අවියක් ස්වයංක්‍රීයව ක්‍රියාත්මක වී ඇති බව වාර්තා වේ. හම්බන්තොට අධිකරණය අසලදී අද (07) උදෑසන කාලයේ මෙම සිදුවීම සිදුව ඇති අතර මින් කිසිවෙකුට හෝ යම් දේපළකට හානියක් සිදුව නොමැත. අඟුණුකොලපැලැස්ස බන්ධනාගාරයේ සිට හම්බන්තොට අධිකරණය වෙත බන්ධනාගාර බස් රථයකින් රැදවියන් රැගෙන එන ලද අවස්ථාවේ අදාළ බන්ධනාගාර නිලධාරියාගේ ගිනි අවිය මෙලෙස හදිසියේ ක්‍රියාත්මක වී තිබේ. සිද්ධිය සම්බන්ධයෙන් හම්බන්තොට පොලිස්ථානය විසින් පරීක්ෂණයක් සිදුකරනු ලබයි.
