පක්ෂයෙන් නෙරපුවහොත් ස්වාධීන මන්ත්‍රීවරයෙකු ලෙස කටයුතු කරනවා – රාජ්‍ය අමාත්‍ය රන්ජන් රාමනායක
එක්සත් ජාතික පක්ෂයෙන් තමාව නෙරපුවහොත් ස්වාධීන මන්ත්‍රීවරයෙකු ලෙස කටයුතු කරන බව රාජ්‍ය අමාත්‍ය රන්ජන් රාමනායක මහතා අවධාරණය කර සිටියි. ඒ අනුව පක්ෂයකට සීමා නොවී ස්වාධින මන්ත්‍රීවරයෙකු ලෙස කටයුතු කිරිමෙන් නිදහස් අදහස් ප්‍රකාශ කිරිමට ඉඩ ලැබෙන බවද ඒ මහතා වැඩිදුරටත් පවසා සිටියි. මේ අතර රන්ජන් රාමනායක මහතා විසින් මෙරට සංඝරත්නයට අගෞරව වන ලෙස ප්‍රකාශ සිදුකිරීම සම්බන්ධයෙන් කරුණු ඉදිරිපත් කිරිමට අග්‍රාමාත්‍ය රනිල් වික්‍රමසිංහ මහතා විසින් පත් කළ ත්‍රිපුද්ගල කමිටුව හමුවේ අද (08) පෙනී සිටීමට ද නියමිතව ඇත.
