අමාත්ය ගාමිණි ජයවික්රම සහ හිටපු අමාත්ය සියඹලාපිටිය අද වංචා දුෂණ පිළිබද ජනාධිපති විමර්ශන කොමිෂන් සභාව හමුවට..
වංචා දුෂණ පිළිබද සොයාබැලීම සදහා පත්කරන ලද ජනාධිපති විමර්ශන කොමිෂන් සභාව හමුවට අද (13) දිනයේදී බුද්ධ ශාසන හා වයඹ සංවර්ධන අමාත්ය ගාමිණි ජයවික්රම පෙරේරා මහතා කැඳවා ඇති බව වාර්තා වේ. මහපොළ ශිෂ්යත්ව භාරකාර අරමුදල තුළ සිදුව ඇති බව පැවසෙන වංචා දුෂණ සම්බන්ධයෙන් ප්රකාශයක් ලබාදීම සඳහා අමාත්යවරයා මෙසේ කොමිෂන් සබාව හමුවට පැමිණීමට නියමිතව ඇත. හිටපු විදුලිබල අමාත්ය පාර්ලිමේන්තු මන්ත්රි රංජිත් සියඹලාපිටිය මහතාට ද මෙම කොමිසම හමුවට ඉදිරිපත්වන්නැයි දැනුම් දීමක් කර ඇති බව වාර්තා වේ. විදුලිබල මණ්ඩලය විසින් විදුලිය මිලදී ගැනීමේදි මෙන්ම ඉන්ධන ලබා ගැනීමේදි සිදුව ඇති වංචා දුෂණ සම්බන්ධයෙන් ලැබී ඇති පැමිණිල්ලකට අදාළව ප්රකාශයක් ලබාදීම සඳහා සියඹලාපිටිය මහතා මෙසේ මෙම කොමිසම වෙත කැදවා ඇත.