අති නවීන එස් 14 බලවේග කට්ටල දුම්රිය දිවයිනට, පරීක්ෂණ ධාවනයෙන් පසුව උඩරට ධාවනයට..
චීනයෙන් ආනයනය කළ අති නවීන එස් – 14 බලවේග කට්ටල දුම්රියක් ඊයේ (13) කොළඹ වරායෙන් මෙරටට ගොඩබාන ලද බව ප්රවාහන අමාත්යංශය අනාවරණය කර සිටියි. මෙම බලවේග දුම්රිය කට්ටලයක වටිනාකම අමෙරිකානු ඩොලර් මිලියන 10.3 කි. එනම් මෙරට මුදලින් රුපියල් මිලියන 1839.5 කි. මෙවැනි බලවේග කට්ටල නවයක් මෙරටට ගෙන ඒමට නියමිතව ඇති අතර මෙම දුම්රිය උඩරට මාර්ගයේ ධාවනයට විශේෂයෙන්ම සකස් කර ඇති බව ද වාර්තා වේ. එංජින් දෙකකින්, වායුසමනය කළ මැදිරි දෙකකින්, දෙවැනි පංතියේ මැදිරි දෙකකින් සහ තෙවැනි පංතියේ මැදිරි තුනකින් සමන්විත මෙම දුම්රිය කට්ටලය සතුව භෝජන මැදිරියක්ද වෙයි. පරීක්ෂණ ධාවනයෙන් පසුව මෙම දුම්රිය උඩරට දුම්රිය මාර්ගයේ ධාවනයට යෙදවීමට කටයුතු කරන බව දුම්රිය දෙපාර්තමේන්තු ආරංචි මාර්ග පවසා සිටියි.