ඉන්ධන මිල ඉහළට..
ඉන්ධන මිල සූත්රයට අනුව ඊයේ (13) මධ්යම රාත්රියේ සිට ඉන්ධන මිල ඉහළ දමා තිබේ. ඒ අනුව ඔක්ටේන් 92 වර්ගයේ පෙට්රල් ලීටරයක් රුපියල් 2/- කින් ද, ඔක්ටේන් 95 වර්ගයේ පෙට්රල් ලීටරයක් රුපියල් 4/- කින් ද සහ සුපර් ඩීසල් ලීටරයක් රුපියල් 3/- කින් ද ඉහළ දමා තිබේ. ඔටෝ ඩීසල්වල මිල සංශෝධනය කර නොමැත. අදාළ මිල සංශෝධනයට අනුව ඔක්ටේන් 92 වර්ගයේ පෙට්රල් ලීටරයක නව මිල රුපියල් 138 ක් ද ඔක්ටේන් 95 වර්ගයේ පෙට්රල් ලීටරයක නව මිල රුපියල් 163 ක් ද සුපිරි ඩීසල් ලීටරයක නව මිල රුපියල් 134 ක් ද වනු ඇත.
එමෙන්ම ඉන්දියානු තෙල් සමාගම ද අද (14) සිට සිය ඉන්ධන මිල ඉහළ දැමීමට තීරණය කර ඇති බව වාර්තා වේ. එම සමාගම විසින් ඔක්ටේන් 95 වර්ගයේ පෙට්රල් ලීටරයක් රුපියල් 4/- කින් සහ සුපර් ඩීසල් ලීටරයක් රුපියල් 3/- කින් ද ඉහළ දැමීමට තීරණය කර තිබේ. ඒ අනුව එම සමාගම විසින් අලෙවි කරන ඔක්ටේන් 95 වර්ගයේ පෙට්රල් ලීටරයක නව මිල රුපියල් 166 ක් වන අතර සුපිරි ඩීසල් ලීටරයක නව මිල රුපියල් 134/- වනු ඇත.