නව යුද හමුදාපති ශවේන්ද්‍ර ගැන පළවන විරෝධතා ගැන සංවිධාන කිහිපයක කණගාටුව..
මෙරට නව යුද හමුදාපතිවරයා ලෙස ලුතිතන් ජෙනරාල් ශවේන්ද්‍ර සිල්වා මහතා පත්කිරීම සම්බන්ධයෙන් සංවිධාන කිහිපයක් විසින් මේ වන විට විවිධ චෝදනා එල්ල කර ඇති බව වාර්තා වේ. ලුතිතන් ජෙනරාල් ශවේන්ද්‍ර සිල්වා යුද හමුදාපති ලෙස පත්කිරීම සම්බන්ධයෙන් කණගාටු වන බව නිවේදනයක් නිකුත් කරමින් ශ‍්‍රී ලංකාවේ අමෙරිකානු තානාපති කාර්යාලය ඊයේ (19) අවධාරණය කරන ලදී. ලුතිතන් ජෙනරාල් ශවේන්ද්‍ර සිල්වා මහතාට එරෙහිව මූලික අයිතිවාසිකම් උල්ලංඝණය කළ බවට බරපතල චෝදනා ඉදිරිපත්ව තිබෙන බව ද මෙරට ඇමෙරිකානු තානාපති කාර්යාලය සිය නිවේදනය තුළි සදහන් කර තිබේ.
මේ අතර මෙවැනි විරෝධතා සම්බන්ධයෙන් ප්රතිචාර දක්වමින් අපි ජාතික බලවේගය පවසා සිටින්නේ රටතුළ නිලධාරීන් පත්කිරීම පාලකයින්ගේ අභිමතය පරිිදි සිදුකළ හැකි බැවින් එවැන්නකට බලපෑම් කිරීමට වෙනත් රටකට බලයක් තිබිය නොහැකි බවයි. නව යුද හමුදාපතිවරයා සම්බන්ධයෙන් ඇමෙරිකානු තානාපති කාර්යාලයේ නිවේදනය සම්බන්ධයෙන් තම සංවිධානය ද කණගාටුව පළකරන බව ද අපි ජාතික බලවේගය වැඩිදුරටත් පවසා සිටියි.
මේ අතර මෙම නව පත්කිරීම පිළිබදව ද්‍රවිඩ ජාතික සන්ධානය ද සිය විරෝධය පළකර ඇත. සුරකිමු ශ‍්‍රී ලංකා සංවිධානය සහ ජාතික නිදහස් පෙරමුණ ද මෙවැනි විරෝධතා සම්බන්ධයෙන් සිය අප්‍රසාදය පළකර තිබේ.
