වැලිකඩ බන්ධනාගාර පුහුණු පාසලේ ප්‍රධාන ජේලර්වරයා වෙඩි තබා ඝාතනය කිරීම, තවත් සැකකරුවෙකු අත්අඩංගුවට..
වැලිකඩ බන්ධනාගාර පුහුණු පාසලේ ප්‍රධාන ජේලර්වරයා වෙඩි තබා ඝාතනය කිරීමට ආධාර අනුබල දුන් බවට සැකකරමින් තවත් පුද්ගලයෙකුව අත්අඩංගුවට ගෙන ඇති බව වාර්තා වේ. මෙම ඝාතන සිද්ධිය සම්බන්ධයෙන් මීට පෙර ද එක් පුද්ගලයෙකු සැකපිට අත්අඩංගුවට ගන්නා ලද අතර ඊයේ (21) දහවල් අත්අඩංගුවට ගන්නා ලද දෙවන සැකකරු අද (22) අධිකරණය වෙත ඉදිරිපත් කිරීමට නියමිතව ඇත. පසුගිය 03 වනදා අම්බලන්ගොඩ, කුලීගොඩ ප්‍රදේශයේදී යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් මෙම වෙඩි ප්‍රහාරය සිදුකරන ලද අතර ඊයේ අත්අඩංගුවට පත්ව ඇත්තේ අදාළ යතුරුපැදියේ හිමිකරුයි.
