අපේ සහය ජාතික අපේක්ෂකයෙකුට පමණයි – සාධාරණ සාමාජයක් සඳහා වු ජාතික ව්‍යාපාරය
ඉදිරි ජනාධිපතිවරණයේදී සිය සහය හිමිවන්නේ දේශපාලන පක්ෂයකින් ඉදිරිපත්වන අපේක්ෂකයෙකුට නොව ජාතික අපේක්ෂකයෙකුට පමණක් බව සාධාරණ සාමාජයක් සඳහා වු ජාතික ව්‍යාපාරය අවධාරණය කර සිටියි. එම සංවිධානයේ කැඳවුම්කරු මහචාර්ය සරත් විජේසුරිය මහතා විසින් මෙම අදහස් පළකරන ලද්දේ කොළඹ දී පැවති මාධ්‍ය හමුවකට සහභාගි වෙමිනි.
එහිදී වැඩිදුරටත් සිය අදහස් පළකරමින් විජේසූරිය මහතා පවසා සිටියේ 19 වන ආණ්ඩුක්‍රම ව්‍යවස්ථා සංශෝධනයෙන් සිදුකර ගැනීමට නොහැකි වු දේවල් සිදුකර ගැනීම සදහා සුදුසු පුද්ගලයෙකු අපේක්ෂකයා විය යුතු බවයි.
ඒ වෙනුවෙන් මෙරට සෑම ආගමකටම පාහේ ලැදි සමස්ත ජාතීන් පිළිබද අවධානය යොමුකරමින් දේශපාලන ප්‍රතිසංස්කරණ සිදුකරන ජාතික අපේක්ෂකයෙක් පත්කර ගත යුතුව ඇති බවද සරත් විජේසූරිය මහතා මෙහිදී වැඩිදුරටත් පවසා සිටින ලදී.
