අධ්යාපන අමාත්යාංශයේ තනතුරු නාම සංශෝධනයක්..
අධ්යාපන අමාත්යාංශය යටතේ සේවයේ යෙදී සිටින පාසල් කම්කරු, සනීපාරක්ෂක කම්කරු සහ මුරකරු යන තනතුරු නාම සංශෝධනය කර ඇති බව වාර්තා වේ. කළමනාකරණ සේවා දෙපාර්තමේන්තුව විසින් අදාළ පියවර ගෙන තිබෙන අතර ඒ අනුව ඉහත තනතුර දරණ 4766 දෙනෙකුගේ එම තනතුරු නාම සංශෝධනය කර තිබේ. අධ්යාපන අමාත්යාංශ ලේකම්වරයා, කළමනාකරණ සේවා දෙපාර්තමේන්තුවේ අධ්යක්ෂ ජනරාල්වරයාගෙන් කරන ලද ඉල්ලීමකට අනුව මෙම සංශෝධනය සිදු කර තිබේ. අදාළ තීරණයට අනුව පාසල් කම්කරු නතතුර, සේවා සහයක ලෙසත් සනීපාරක්ෂක කම්කරු තනතුර, සේවා සහයක සනීපාරක්ෂක ලෙසත් මුරකරු තනතුර, සේවා සහයක ආරක්ෂක ලෙසත් සංශෝධනය කර ඇත.