මැතිවරණ කොමිසම සහ නිලධාරීන් අතර විශේෂ සාකච්ඡාවක් ..
ජනාධිපතිවරණයේ නාම යෝජනා කැඳවීම ඇතුළු කරුණු කිහිපයක් පිළිබඳ තීරණ ගැනීම සඳහා මැතිවරණ කොමිසම සහ නිලධාරීන් අතර අද (09) විශේෂ සාකච්ඡාවක් පවත්වා ඇත. ජනාධිපතිවරණය සහ ඇල්පිටිය ප්‍රාදේශිය සභා ඡන්ද විමසීමට අදාළව මැතිවරණ කොමිසම සහ දිස්ත්‍රික් මැතිවරණ නිලධාරීන් අතර සාකච්ඡාවක් ඊයේ දිනයේදී ද පැවැත්වීමට කටයුතු යොදා ඇත. සැප්තැම්බර් 15 වනදා ඔක්තෝබර් 15 වනදා අතර කාලය තුළ නාම යෝජනා කැඳවීමට මැතිවරණ කොමිසමට හැකියාව පවතින අතර නාම යෝජනා කැඳවා සති 04කට නොඅඩු සති 06කට නොවැඩි කාලයකදී ජනාධිපතිවරණය පැවැත්විය යුතු බව සඳහන් කර ඇත. ඒ අනුව බොහෝ දුරට නොවැම්බර් මස 16 වන වැනිදා පැවැත්වෙනු ඇති බව දේශපාලන විශ්ලේෂකයින් පවසයි.
