නියෝජ්‍ය අමාත්‍ය පාලිත තෙවරප්පෙරුම මහතා ලබන 16 දක්වා රක්ෂිත බන්ධගාරගත කෙරේ…
සමාජ සවිබල ගැන්වීම් නියෝජ්‍ය අමාත්‍ය පාලිත තෙවරප්පෙරුම මහතා ඇතුළු සැකකරුවන් 5 දෙනෙකු රක්ෂිත බන්ධනාගාර ගත කරන ලෙසට මතුගම ප්‍රධාන මහේස්ත්‍රාත් නීතා හේමමාලි හාල්පන්දෙණිය මහත්මිය අද (10) නියෝග කර ඇත. ඒ අනුව එළඹෙන 16 වනදා දක්වා මෙලෙස රක්ෂිත බන්ධගාරගත කෙරෙනු ඇත. නියෝජ්‍ය අමාත්‍ය පාලිත තෙවරප්පෙරුම මහතා සහ වතු සේවකයින් පිරිසක් විසින් පෞද්ගලික ඉඩමක මියගිය පුද්ගලයෙකුගේ මළ සිරුරක් බලහත්කාරයෙන් භූමදානය කිරීමේ සිදුවීමක් සම්බන්ධයෙන් මෙම දඩුවම ලබා දීමට මහේස්ත්‍රාත්වරිය නියෝග කර ඇත.
