පොදුජන පෙරමුණ සහ ශ්‍රී ලංකා නිදහස් පක්ෂය කිසිදු විටෙක එක්වන්නේ නෑ – අමාත්‍ය පී. හැරිසන්
කිසිවිටෙක ශ්‍රී ලංකා පොදුජන පෙරමුණ සහ ශ්‍රී ලංකා නිදහස් පක්ෂය එක් නොවන බව අමාත්‍ය පී. හැරිසන් මහතා අවධාරණය කර සිටියි. මාධ්‍ය වෙත සිය අදහස් දක්වමින් අමාත්‍යවරයා මෙම අදහස් පළකර තිබේ. මෙහිදී තවදුරටත් සිය අදහස් දක්වමින් පී. හැරිසන් මහතා පවසා ඇත්තේ ශ්‍රී ලංකා පොදුජන පෙරමුණ පොහොට්ටුව සලකුණ වෙනස් කිරීමට කිසිදු ආකාරයකින් එකඟ නොවන බැවින් එම පක්ෂ දෙක එක්නොවන බවයි. එමෙන්ම එක්සත් ජාතික පක්ෂයේ නියෝජ්‍ය නායක, අමාත්‍ය සජිත් ප්‍රේමදාස මහතා සුළු දේශපාලන පක්ෂ නායකයින් සමග සාකච්ඡා කිරීමට නියමිතව ඇති බැවින් එම සාකච්ඡාවෙන් පසුව පක්ෂයේ අර්බුදකාරී තත්ත්වය විසඳෙනු ඇති බවත් අමාත්‍යවරයා තවදුරටත් කරුණු දක්වමින් පවසා ඇත.
