මිලියන 80 ක් පැය 36 කදී මරණයට පත්කළ හැකි භයානක වෛරසයක් ගැන හෙළිදරව්වක්..
මිට ශතවර්ෂයකට පමණ පෙර ලොව ජනගහනයෙන් තුනෙන් එකකට ආසාධනය වී ඉන් මිලියන 50 ක් පිරිසක් මරුමුවට පත්කළ “ස්පැනිෂ් ෆ්ලු” නම් වූ අති භයානක වෛරසය යළිත් පැතිරයාමේ අවදානමක් මතුව ඇතැයි ලෝක සෞඛ්‍ය සංවිධානයේ හිටපු ප්‍රධානියෙකු ප්‍රධානත්වය දරණ විශේෂඥ වෛද්‍යවරුන් පිරිසක් විසින් අනතුරු අගවා ඇති බව වාර්තා වේ. මෙම “ස්පැනිෂ් ෆ්ලු” නම් වූ උණ වසංගතය, ලෝකයේ මිලියන 80 ක පමණ පිරිසක් පැය 36 ක් වැනි කෙටි කාලයකදී මරණයට පත්කළ හැකි අන්දමේ අතිභයානක වෛරසයක් බවද එම වෛද්‍ය කණ්ඩායම වැඩිදුරටත් අනාවරණය කර සිටියි. අදාළ විශේෂඥ වෛද්‍යවරුන් පිරිස සාමාජිකත්වය දරණ “ගෝලීය සුදානම අධීක්ෂණ මණ්ඩලය” විසින් ලෝක නායකයින් දැනුවත් කිරිම සදහා ඉදිරිපත් කර ඇති විශේෂ වාර්තාවක මේ බව සදහන් කර තිබේ.
