මස්කෙළිය, ස්ට්රොක්හොම් වතුයායේ නිවාස පේළියක ගින්නක්, නිවාස 16 ක් විනාශයි..
මස්කෙළිය, ස්ට්රොක්හොම් වතුයායේ කොටසක වතු නිවාස පේළියක අද (20) පෙරවරුවේ හටගත් ගින්නකින් එම නිවාස 16 ක් සම්පුර්ණයෙන්ම පාහේ විනාශ වී ඇති බව වාර්තා වේ. අද උදැසන 09.00 ට පමණ එක් නිවසක හටගන්නා ලද ගින්න සෙසු නිවාස කරා පැතිර ගොස් ඇති අතර පදිංචිකාරුවන් විසින් ගින්න පාලනය කිරීමට කටයුතු කර තිබේ. ගින්න හේතුවෙන් එම වතු නිවාස වල පදිංචිව සිටින පවුල් 28 ක සාමාජිකයන් 150 දෙනෙකු පමණ අවතැන් වී තිබේ. ගින්නෙන් කිසිදු ජීවිත හානියක් සිදුවී නොමැති අතර ගින්නට හේතුව මෙතෙක් අනාවරණය වී නොමැත.