ආබාධිත රණවිරු විරෝධතාවය අඛණ්ඩව..
වැටුප් ඇතුළු ගැටළු කිහිපයක් සදහා විසදුම් ලබාදෙන්නැයි ඉල්ලා සිටිමින් රණවිරු අයිතිවාසිකම් සුරැකීමේ ජාතික බලවේගය විසින් කොළඹ කොටුව දුම්රිය ස්ථානය ඉදිරිපිට ආරම්භ කරන ලද විරෝධතාවය අද (23) දිනයේදීත් ක්‍රියාත්මක වෙයි.අද වන විට අදාළ විරෝධතාවය අරඹා දින 13 ක් ගතවී ඇති අතර එය ආරම්භ කරන ලද්දේ පසුගිය 11 වනදායි. මහා සංඝරත්නය ඇතුළු විවිධ සංවිධානයන්හි නියෝජිතයින් මෙම විරෝධතාවය පැවැත්වෙන ස්ථානයට පැමිණ ආබාධිත රණවිරුවන්ට ආශිර්වාද කිරීම, අගාරපාන ලබාදීම් ආදිය සිදුකරනු ලබන අතර රණවිරු අයිතිවාසිකම් සුරැකීමේ ජාතික බලවේගය අවධාරණය කරන්නේ සිය ඉල්ලීම් සදහා විසදුම් ලැබෙන තෙක් මෙම විරෝධතාවය අඛණ්ඩව දියත් කරන බවයි.
