මේ දක්වා අපේක්ෂකයින් 13 දෙනෙකු ඇප මුදල් තැන්පත් කරලා..
මේ දක්වා අපේක්ෂකයින් 13 දෙනෙකු ඉදිරි ජනාධිපතිවරණය වෙනුවෙන් ඇප මුදල් තැන්පත් කර ඇති බව මැතිවරණ කොමිෂන් සභාව අනාවරණය කර සිටියි. ඊයේ (30) දිනයේදී අපේක්ෂකයින් සිව් දෙනෙකු ඇප මුදල් තැන්පත් කර ඇති අතර නව සම සමාජ පක්ෂයේ බද්දේගමගේ නන්දිමිත්‍ර, සමාජවාදී සමානතා පක්ෂයෙන් නම්බුනාම නානායක්කාර අක්මීමන පල්ලියගුරුගේ වජිරපානී විජේසිරිවර්ධන, නව සිහල උරුමය පක්ෂයේ සරත් මනමේන්ද්‍ර සහ ජාතික සංවර්ධන පෙරමුණෙන් පල්ලෙවත්ත ගමරාළලාගේ රොහාන් පල්ලෙවත්ත යන මහත්වරුන් මෙසේ ඇප මුදල් තැන්පත් කර තිබේ. ඒ අනුව මේ දක්වා පිළිගත් දේශපාලන පක්ෂ 9 කින් සහ ස්වාධීන අපේක්ෂකයින් සිව් දෙනෙකු විසින් ජනාධිපතිවරණය වෙනුවෙන් ඇප මුදල් තැන්පත් කර ඇත.
