ගංජා තොගයක් සමග පුත්තලමේදී කාන්තාවක් දැලේ..
ගංජා තොගයක් සන්තකයේ තබාගෙන සිටි කාන්තාවක් පුත්තලම, පාලාවිය ප්‍රදේශයේදී පුත්තලම පොලීසිය විසින් අත්අඩංගුවට ගෙන ඇත. ඊයේ (04) සවස කරන ලද වැටලීමකදී අත්අඩංගුවට පත්ව ඇති එම ප්‍රදේශයේම පදිංචිකාරියක වන 38 හැවිරිදි කාන්තාවගේ නිවසේ සඟවා තිබියදී කිලෝ ග්‍රෑම් 06 යි ග්‍රෑම් 100 ක මෙම ගංජා තොගය හමුවී ඇත. සැකකාරිය සහ ගංජා තොගය අද (05) අධිකරණයට ඉදිරිපත් කිරීමට නියමිතව ඇති අතර පුත්තලම පොලීසිය විසින් වැඩිදුර විමර්ශන කටයුතු සිදුකරනු ලබයි.
