හදිසියේ විවෘත කල පිටත වටරවුම් මාර්ගයේ අඩුපාඩු රැසයි, පාරිභෝගික අයිතීන් සුරකීමේ ජාතික ව්‍යාපාරය …
නිසි ලෙස වැඩ අවසන් නොකර හා අවශ්‍ය සේවකයන් බදවා නොගෙන දේශපාලන වාසි ලබාගැනීමේ අරමුණින් කඩිමුඩියේ විවෘත කල පිටත වටරවුම් මාර්ගයේ කෙලවරපිටිය පිවිසුමේ මේ වන විට විශාල වාහන තදබදයක් පිලිබදව තම සංවිධානයට පැමිණිලි ලැබී ඇති බව පාරිභෝගික අයිතීන් සුරකීමේ ජාතික ව්‍යාපාරය අවධාරණය කරයි. අත්‍යවශ කරන සේවක සංඛ්‍යාවක් නොමැති කම හා පරිඝණක පද්ධතිය සෙමින් ක්‍රියාකිරීම හේතුවෙන් මෙම තත්ත්වය හටගෙන ඇති බව එහි සේවකයින් සදහන් කල බව එම සංවිධානයේ සභාපති රංජිත් විතානගේ මහතා සදහන් කරයි. රජයේ නිසි කළමණාකරනයක් නොමැතිවීම හා දේශපාලන වාසි ලබා ගැනීම සදහා මෙසේ කිරීමෙන් විශාල මගීන් සංඛ්‍යාවකට සිය කාලය හා මුදල් නිකරුනේ වියදම් කිරීමට සිදුවී ඇති බව හෙතෙම වැඩිදුරටත් සදහන් කරයි.
