ජනපති ලෙස ගෝඨාභය තෝරාගත් බව සදහන් අතිවිශේෂ ගැසට් පත්රය නිකුත් වෙයි..
ශ්රී ලංකා ප්රජාතාන්ත්රික සමාජවාදී ජනරජයේ ජනාධිපති ධූරය සදහා ගෝඨාභය රාජපක්ෂ මහතා තෝරා පත්කර ගන්නා ලද බව සදහන් කරමින් අතිවිශේෂ ගැසට් පත්රයක් නිකුත් කළ බව මැතිවරණ කොමිෂන් සභාව පවසා සිටියි. ඒ අනුව ඊයේ (17) රාත්රියේදී අදාළ ගැසට් පත්රය නිකුත් කර තිබේ. 1981 අංක 15 දරණ ජනාධිපතිවරයා තෝරාපත් කරගැනීමේ පනතට අනුව මෙම ගැසට් නිවේදනය නිකුත් කර ඇත. ජනාධිපතිවරණය අවසන් වී සතියක කාලය තුළ රථ වාහන පෙළපාලි සහ රැස්වීම් පැවැත්වීම තහනම් බවත් මහ මැතිවරණයක් හෝ පළාත් සභා මැතිවරණයක් පවත්වන්නේ නම් ඊට ද සූදානම් බවත් මැතිවරණ කොමිෂන් සභාව තවදුරටත් පවසා සිටියි.