ඩී.ඒ. රාජපක්ෂ කෞතුකාගාරය ඉදිකිරීමේ නඩුව, ජනපති ගෝඨාභය නිදහස්..
රජයට අයත් මුදලක් සාවද්‍ය ලෙස පරිහරණය කළ බවට චෝදනා කරමින් පවරන ලද නඩුවේ පළමු විත්තිකරුවූ ජනාධිපති ගෝඨාභය රාජපක්ෂ මහතා එම චෝදනාවලින් නිදහස් කිරීමට කොළඹ ත්‍රිපුද්ගල විශේෂ මහාධිකරණය අද (21) නියෝග කර ඇත. මිලියන 33.9 ක රජයේ මුදලක් සාවද්‍ය ලෙස පරිහරණය කරමින් ඩී.ඒ. රාජපක්ෂ අනුස්මරණ කෞතුකාගාරය ඉදිකළ බවට චෝදනා කරමින් විත්තිකරුවන් හත් දෙනෙකුට එරෙහිව අදාළ නඩුව ගොනුකරන ලදී. අදාළ නඩුව අද විභාගයට ගත් කොළඹ ත්‍රිපුද්ගල විශේෂ මහාධිකරණය විසින් ඉහත නියෝගය ලබාදුන් අතර එහිදී ගෝඨාභය රාජපක්ෂ මහතාට එරෙහි පනවන ලද විදේශ ගමන් තහනම ඉවත්කර ඒ මහතාගේ විදේශ ගමන් බලපත්‍රය මුදාහැරීමට ද නියෝග කර ඇත. අදාළ නඩුවේ සෙසු විත්තිකරුවන් හයදෙනා සම්බන්ධයෙන් ගනු ලබන ඉදිරි ක්‍රියාමාර්ග මීළඟ නඩු දිනයේදී අධිකරණයට දැනුම් දීමට නියමිතව ඇත. නඩුව ලබන ජනවාරි 09 වනදා කැඳවීමට ද නියමිතය.
