පොලිස් දෙපාර්තමේන්තුවේ ඉහළ පොලිස් නිලධාරීන් 16 දෙනෙකුට නව පත්වීම් සහ ස්ථාන මාරුවීම්..
පොලිස් දෙපාර්තමේන්තුවේ ඉහළ පොලිස් නිලධාරීන් 16 දෙනෙකුට නව පත්වීම් සහ ස්ථාන මාරුවීම් ලබාදී ඇති බව වාර්තා වේ. ඒ අනුව මධ්යම සහ ඌව පළාත් භාර ජ්යෙෂ්ඨ නියෝජ්ය පොලිස්පතිවරයා ලෙස කටයුතු කරන ජ්යෙෂ්ඨ නියෝජ්ය පොලිස්පති එස්.එම් වික්රමසිංහ මහතාට ඊට අමතරව නැගෙනහිර පළාතේ රාජකාරී ද පවරා තිබේ. එමෙන්ම එල්.එස් පතිනායක, ඩබ්ලිව්.එම්.එම් වික්රමසිංහ, ආර්.එම්.එන්.ජී.ඕ. පෙරේරා, ඊ.එම්.යු. වී. ගුණරත්න, කේ.එන්.ජේ. වෙදසිංහ, ඩී.ජේ. පලිහක්කාර, එල්.කේ.ජේ.ජී එස්. පීරිස් සහ එල්.පී.එස්.පී. සඳුන්ගහවත්ත යන නියෝජ්ය පොලිස්පතිවරුන් වෙත ස්ථාන මාරුවීම් හා නව රාජකාරී පවරා තිබේ. ජ්යෙෂ්ඨ පොලිස් අධිකාරීවරුන් දෙදෙනෙකු සහ සහකාර පොලිස් අධීකාරීවරුන් පස්දෙනෙකුට ද ස්ථාන මාරුවීම් ලබාදී ඇත. අපරාධ පරීක්ෂණ දෙපාර්තමේන්තුවේ අධ්යක්ෂවරයා ලෙස කටයුතු කරන ලද ජ්යෙෂ්ඨ පොලිස් අධිකාරී ශානි අබේසේකර මහතා ගාල්ල නියෝජ්ය පොලිස්පතිවරයාගේ පෞද්ගලික සහකාරවරයා ලෙස ද මාරුකර ඇත. පොලිස් කොමිසමේ අනුමැතිය අනුව මෙම කාර්යයන් සිදුකර ඇත.