ජනතාවගේ බලාපොරොත්තු ඉටු කරමින් අභියෝග ජයගැනීමට නව ආණ්ඩුව කටයුතු කළයුතුයි – ජනාධිපති ගෝඨාභය රාජපක්ෂ
නව ආණ්ඩුවට විශාල අභියෝගයක් පවතින බවත් ජනතාවගේ බලාපොරොත්තු ඉටු කරමින් එම අභියෝග ජයගැනීමට ද කටයුතු කළයුතු බවත් ජනාධිපති ගෝඨාභය රාජපක්ෂ මහතා පවසා සිටියි. නව අමාත්ය මණ්ඩලය දිවුරුම් දීමෙන් පසු සිය අදහස් පළකරමින් ජනාධිපතිවරයා විසින් මෙම අදහස් පළකරන ලදී.
මෙහිදී වැඩිදුරටත් සිය අදහස් පළකළ ජනාධිපතිවරයා අවධාරණය කර ඇත්තේ පසුගිය සමයේ පැවති දේශපාලන සංස්කෘතිය සම්බන්ධයෙන් ජනතාවට දැවැන්ත අප්රසාදයක් පැවති අතර මෙරට රාජ්ය ආයතනවල ඉහළ නිලධාරීන් පත්කිරීම තේරීම් මණ්ඩලයක අනුමැතිය යටතේ පමණක් සිදුකළ හැකි බවයි. රාජ්ය අමාත්යවරුන් පිරිසක් ද පත්කිරීමට නියමිතව ඇති බවත් එම පිරිසට රාජකාරී සිදුකිරීමට අවශ්ය අවස්ථාව අමාත්යවරුන් විසින් ලබාදිය යුතු බවත් ජනාධිපතිවරයා තවදුරටත් පවසා සිටින ලදී.