සී.අයි.ඩී.යේ නිලධාරීන් 704 කට රට යන්න වැට බඳියි ..
අපරාධ පරීක්ෂණ දෙපාර්තමේන්තුවට අනියුක්ත පොලිස් නිලධාරීන් 704 දෙනෙකු විදේශගත වීමට උත්සාහ දැරුවහොත් වහාම ඒ පිළිබඳව එම දෙපාර්තමේන්තුවේ අධ්යක්ෂවරයාට දන්වමින් ආරක්ෂක අමාත්යංශය ඊයේ (25) ආගමන විගමන දෙපාර්තමේන්තුට ලිපියක් යොමුකර ඇත.මෙම නිවේදනය අද අලුයම ආගමන විගමන දෙපාර්තමේන්තු කාර්යාලය වෙත ලැබී ඇති අතර එම නිවේදනයේ සඳහන් නාම ලේඛනය පරිගණකගත කිරීමට පියවර ගෙන ඇති බව කටුනායක ගුවන් තොටුපළ, ආගමන විගමන දෙපාර්තමේන්තු කාර්යාලයේ සහකාර පාලක සුජීව රත්නායක මහතා පවසයි. අපරාධ පරීක්ෂණ දෙපාර්තමේන්තුවේ ප්රධාන පොලිස් පරීක්ෂක නිශාන්ත ද සිල්වා මහතා තම දෙපාර්තමේන්තුව දැනුවත් නොකර සිය පවුල ද සමග ස්විට්සර්ලන්තය වෙත යෑමෙන් පසු මෙම නියෝගය පනවා ඇත.