CID ය සහ FCUD ය පසුගිය රජයට සෘජුවම සම්බන්ධවී කටයුතු කරලා – පාර්ලිමේන්තු මන්ත්‍රි අනුර ප්‍රියදර්ශන යාපා
පසුගිය ආණ්ඩු සමයේදී අපරාධ පරීක්ෂණ දෙපාර්තමේන්තුව හා පොලිස් මුල්‍ය අපරාධ විමර්ශන කොට්ඨාශය යන ආයතන ඍජුවම එම ආණ්ඩුවට සම්බන්ධව කටයුතු කර ඇති බවත් ඉහළ නිලධාරීන් මෙම තත්ත්වය නොදැක සිටියේ කෙසේදැයි විමසන බවත් පාර්ලිමේන්තු මන්ත්‍රි අනුර ප්‍රියදර්ශන යාපා මහතා අවධාරණය කර සිටියි. අද (26) කොළඹදී පැවති මාධ්‍ය හමුවකදී ඒ මහතා විසින් මේ බව පවසා සිටින ලදී.
මෙහිදී වැඩිදුරටත් සිය අදහස් පළකරමින් අනුර ප්‍රියදර්ශන යාපා මහතා පවසා සිටියේ පසුගිය රජය විසින් ඇතැම් පුද්ගලයින් ඉලක්ක කරමින් ස්ථාපිත කරන ලද මෙවැනි ආයතන සිදුකරන ලද පරීක්ෂණ සියල්ල වැරදි සහගත බවයි. වෛරය පැතිරූ රජයක් ලෙස හැදින්විය හැකි පසුගිය රජය යහපාලන මතය ඉදිරිපත් කළ ද ඊට ප්‍රතිවිරුද්ධ පාලනයක් දියත් කළ බවත් අනුර ප්‍රියදර්ශන යාපා මහතා තවදුරටත් පවසා සිටින ලදී.
