ජනපති සමග සුහදව කටයුතු කරනවා – ද්‍රවිඩ ජාතික සන්ධානය
නව ජනාධිපති ගෝඨාභය රාජපක්ෂ මහතා සමග සුහදව කටයුතු කිරීමට පක්ෂය සූදානම් බව ද්‍රවිඩ ජාතික සන්ධානයේ පාර්ලිමේන්තු මන්ත්‍රි එම්.ඒ. සුමන්තිරන් මහතා පවසා සිටියි. ඊයේ (26) යාපනයේදී පැවති මාධ්‍ය හමුවකට සහභාගි වෙමින් සුමන්තිරන් මහතා මේ බව පවසා සිටින ලදී. මෙවර ජනාධිපතිවරණයේදී ගෝඨාභය රාජපක්ෂ මහතාට සුළු ජාතීන්ගේ සහය නොලැබුන ද තම පක්ෂයට හිමිව ඇති ජනවරම අනුව කටයුතු කරමින් ජනාධිපතිවරයා සමග සුහදව කටයුතු කරන බව ද මන්ත්‍රිවරයා එම මාධ්‍ය හමුවේදී තවදුරටත් පවසා සිටින ලදී.
