ප්රධාන නළයක බිදවැටීමක්, වත්තල අවට ප්රදේශ කිහිපයක ජල සැපයුම අත්හිටුවයි..
වත්තල අවට ප්රදේශ කිහිපයක ජල සැපයුම අත්හිටුවීමට සිදුව ඇති බව ජාතික ජල සම්පාදන සහ ජලාපවාහන මණ්ඩලය අනාවරණය කර සිටියි. වත්තල, හේකිත්ත මාර්ගයේ ප්රධාන ජල නළයක ඇතිවූ හදිසි බිඳවැටීමක් නිසා මෙසේ ජල සැපයුම අත්හිටුවීමට සිදුව ඇති බව ද එම ආරංචි මාර්ග වැඩිදුරටත් පවසයි. ඒ අනුව හේකිත්ත, පල්ලියවත්ත, ඇළකන්ද, බලගලවත්ත, මරදාන පාර, වැලිඅමුණ, ඇළකන්ද පාරේ කොටසක් සහ හැඳල පාර යන ප්රදේශවලට ජල සැපයුම අත්හිටුවනු ඇත.