බේකරි නිෂ්පාදන වල පහත දමන්න, සමස්ත ලංකා බේකරි හිමියන්ගේ සංගමයෙන් ඉල්ලීමක්..
පාන් හැර අනෙකුත් බේකරි නිෂ්පාදනයන්හි මිල රුපියල් 05 කට ඉහළ අගයකින් පහත දැමිය හැකි බව සමස්ත ලංකා බේකරි හිමියන්ගේ සංගමය අවධාරණය කර සිටියි. ඒ අනුව බේකරි නිෂ්පාදනයන්හි මිල ගණන් පහත දමන්නැයි සමස්ත ලංකා බේකරි හිමියන්ගේ සංගමය දිවයිනේ සියළු බේකරි හිමියන්ගෙන් ඉල්ලීමක් ද කර සිටියි. වත්මන් රජය විසින් බේකරි නිෂ්පාදකයින් හට ලබා දී ඇති විවිධ සහන හේතුවෙන් බේකරි නිෂ්පාදනයන්ගේ මිල ගණන් පහත දැමීමට හැකි බැවින් මෙවැනි ඉල්ලීමක් කරන බවද සමස්ත ලංකා බේකරි හිමියන්ගේ සංගමය වැඩිදුරටත් පවසයි.