ස්ථාන මාරුවීමෙන් මූලික අයිතීන් උල්ලංඝනය වන බව තීන්දුකර එය බලරහිත කරන්නැයි ඉල්ලා ශානි අබේසේකරගෙන් පෙත්සමක්..
තමන්ට ලබාදෙන ලද ස්ථාන මාරුවීම තුළින් මූලික අයිතීන් උල්ලංඝනය වන බව තීන්දුකර එම ස්ථාන මාරුව බලරහිත කරන්නැයි ඉල්ලා ජ්යෙෂ්ඨ පොලිස් අධිකාරී ශානි අබේසේකර මහතා විසින් ශ්රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කර ඇත. අපරාධ පරීක්ෂණ දෙපාර්තමේන්තුවේ අධ්යක්ෂවරයා ලෙස කටයුතු කරමින් සිටියදී එම ධුරයෙන් මාරුකිරීමට වැඩබලන පොලිස්පතිවරයා ගත් තීරණයෙන් තමන්ගේ මූලික අයිතීන් උල්ලංඝනය වනට තීන්දු කරන්නැයි මෙම මූලික අයිතිවාසිකම් පෙත්සම තුළින් ඉල්ලා ඇත. මෙම පෙත්සමේ වගඋත්තරකරුවන් ලෙස වැඩබලන පොලිස්පති සී.ඩී. වික්රමරත්න, අනිවාර්ය නිවාඩු යවා සිටින පොලිස්පති පූජිත් ජයසුන්දර, ජාතික පොලිස් කොමිසමේ සභාපති ඇතුළු සාමාජිකයින් සහ ජාතික මැතිවරණ කොමිසමේ සාමාජිකයන් ඇතුළු පිරිසක් නම් කර ඇත.