උත්සව සමය වෙනුවෙන් විශේෂ බස් සහ දුම්රිය සේවාවක්..
නත්තල් උත්සව සමයේදී ජනතාවගේ පහසුව උදෙසා විශේෂ බස්රථ හා දුම්රිය සේවාවක් ක්‍රියාත්මක කිරීමට ප්‍රවාහන කළමනාකරණ අමාත්‍යංශය අනාවරණය කර සිටියි. ඒ අනුව කොළඹ නගරය කේන්ද්‍ර කරගනිමින් දිවයිනේ සෑම පළාතක්ම ආවරණය වන ලෙස බස් රථ යෙදවීමට තීරණය කර ඇත. ඒ අනුව දෙසැම්බර් 26 දින සිට ලබන වසරේ ජනවාරි පළමුවන දින තෙක් සියලුම ලංගම බස් රථ රියදුරන්ගේ හා කොන්දොස්තරවරුගේ නිවාඩු අවලංගු කර තිබේ. අනිද්දා (23) සිට කොළඹ කොටුව සහ මහනුවර අතර සුඛෝපබෝගී දුම්රියක් ද ධාවනයට එක්කර තිබේ.
