“හැදෙන රටක් -වැඩෙන ගසක්”, පැළ දස ලක්ෂයක් සිටුවීමේ ජාතික ජාතික රුක් රෝපණ වැඩසටහන ඇරඹෙයි..
පැළ දස ලක්ෂයක් සිටුවීමේ ජාතික රුක් රෝපණ වැඩසටහන අද (01) පෙරවරු 9.49 යෙදුණු සුබ මොහොතින් අනුරාධපුර මහමෙවුනා උයනේදී ආරම්භ විය. “හැදෙන රටක් -වැඩෙන ගසක්” යන තේමාව යටතේ මෙම ජාතික රුක් රෝපණ වැඩසටහන අද ආරම්භ විය. මෙම අවස්ථාවට සහභාගිවූ පරිසර සහ වනජීවී සම්පත් අමාත්‍ය එස්.එම්. චන්ද්‍රසේන මහතා අවධාරණය කර ඇත්තේ රට සංවර්ධනය වෙමින් පවතින යුගයක පරිසරය රැකගැනීමේ වගකීම සමස්ත ජනතාවට පැවරෙන බවයි. ඒ අනුව අද සිට ඉදිරි සතියක කාලයක් ජාතික රුක් රෝපණ සතිය ලෙස නම්කර ඇති අතර රට පුරා පැළ දස ලක්ෂයක් සිටුවීම මෙහිදී සිදුකෙරෙනු ඇත.
