රාජ්‍ය අමාත්‍යවරු සිව් දෙනෙකුට අයත් විෂය පථයන් ගැසට් කෙරේ..
රාජ්‍ය අමාත්‍යවරු සිව් දෙනෙකුට අයත් විෂය පථයන් ගැසට් කර ඇති බව වාර්තා වේ. රාජ්‍ය අමාත්‍යවරුන් වෙත වගකීම් පැවරීම සම්බන්ධයෙන් වන ගැසට් නිවේදන නිකුත් කිරීම කැබිනට් අමාත්‍යවරුන් විසින් සිදුකළ යුතුව ඇති බව ජනාධිපති ගෝඨාභය රාජපක්ෂ මහතා විසින් සඳහන් කර ඇති අතර ඒ අනුව අග්‍රාමාත්‍ය මහින්ද රාජපක්ෂ සහ අධ්‍යාපන ක්‍රීඩා හා තරුණ කටයුතු පිළිබඳ අමාත්‍ය ඩලස් අලහප්පෙරුම යන මහත්වරුන් විසින් ඉහත රාජ්‍ය අමාත්‍යවරුන්ට අදාළ ගැසට් නිවේදන නිකුත් කර තිබේ. ජෝන් සෙනෙවිරත්න, ෂෙහාන් සේමසිංහ, දුමින්ද දිසානායක සහ රංජිත් සියඹලාපිටිය යන රාජ්‍ය අමාත්‍යවරුන්ට අදාළ විෂය පථයන් ගැසට් කරමින් අදාළ ගැසට් නිවේදනය නිකුත් කර තිබේ.
